Aveiro

Aveiro, cunnotu comente sa “Benètzia de Portugallu” e, pro carchi tempus, narada “Noa Bragàntzia”, est una bidda portughesa, cabitale de su Distritu de Aveiro, in sa Rezione Tzentru e pertenende a sa sutarezione de su Vouga de Zosso, cun unos 55.291 abitadores. Sa leada urbana est formada dae sos trighinzos de Gloria e Vera Cruz (s'arzola orizinale de sa bidda).

S'agatat unos 55 km. a su nordu-uestu de Coimbra e unos 70 km. a su suddu de Portu, sende sa bidda printzipale de sa sutarezione de su Vouga de Zosso cun 390.840 abitadores (2.011) e sa de tres biddas de sa rezione Tzentru, a pustis de Biseu e Coimbra.

Est sea de una comuna de 78.450 abitadores (2.011) e 197,58 kmcd. de arzola, sutapartzida in deghe trighinzos. Sa comuna est alindada a su nordu dae sa comuna de Murtosa (siat peri sa Ria de Aveiro, siat peri terra), a su nordu-estu dae Albergaria-a-Velha, a s'estu dae Agueda, a su suddu dae Oliveira de Bairro, a su suddu-estu dae Vagos e dae Ilhavo (sende sos trèmenes cun custa ùrtima comuna aguarmente marcados peri terra e a mèdiu de sa ria), e cun una fasca relativamente astrinta de iscaru in s'Otzèanu Atràntigu, a s'uestu, peri su trighinzu de Sao Jacinto. Est una leada importante urbana, portenca, ferruviària, universidària e turìstiga.

Un'imbarcadura tìpiga de Aveiro, chi nde surcat sos canales, est su moliceiro.

S'ispetzialidade coghinale prus caraterìstiga de sa bidda est custituìda dae sos ovos moles (“oos moddes”), durcarias minudas a base de ou e farra in intro de òstias de formas bariadas (biscacu, pische, eac.).