Avertu de recuida

S’avertu de recuida est unu cumandu impostu avesarmente dae sas autoridades nassionales e/o militares a totu sos tziviles e a totu sos chi non tenent unu permissu determinadu redassadu dae sas autoridades, chi cunsistit in s’obrigadura de abarrare in sos bividorzos suos pròpios in tempus de sas oras de note, istudende onzi casta de lughe si est pretzisu.

S’avertu de recuida s’àprigat cando cumparent probremas de òrdine pùbrigu tales chi faghent difìzile, dae bandas de sas autoridades, sa proteghidura de logalidades determinadas, o cando sa pobuladura tzivile podet esser posta in perìgulu, pro narrer, dae assiones de gherra de s’inimigu. Casu s’arrischent bombardamentos abiàtigos, in tempus de s’avertu de recuida est proibidu a alluer cale si siat lughe, in manera a dificurtare s’identifigadura de sa posissione de una leada.

A pustis de s’ora de intrada in fortza de s’avertu de recuida, sos tziviles e sos chi non tenent unu permissu si devent retirare a sos bividorzos issoro. In su casu de trasgressura, s’àprigant penalidades cunforme a sas normas militares e tziviles. Cando passat s’avertu de recuida, totu torrat a sa normalidade.

In su suspu de sos zòvanos, su tèrmine “avertu de recuida” s’impreat pro inditare s’ora de ghirada a domo, imposta a s’avesu dae sos babos o dae sos amparadores.