Azutòriu no dispensadu

S’azutòriu no dispensadu (o azudu no dadu, farta de azudu), in unos cantos ordinamentos zurìdigos, intre sos cales s’italianu, est unu delitu contra a sa pessone e, in manera prus ispetzìfiga, contra a sa bida e a s’incolumidade individuale.

Sa norma narada tenet sa funtzione de afortire su sentidu de sa solidariedade umana. Isse est unu delitu omissivu, in ue su lezisradore reprimet sa farta de realizadura de un’assione zuigada comente netzessària, independentemente dae su fatu ch’intervenzat o nono un’eventu comente cunseghèntzia de s’omissura narada.