Botzacanastra

Articulu in logudoresu

Sa botzacanastra o basket est un'isportu de echipa in ue duas formaduras de chimbe zogadores onzi una s'afrontant pro marcare cun unu ballone a sa canastra rivale, cunforme a una filera de règulas antisapostivigadas.

Onzi partida durat 40 minutos e est formada dae bator tempos de deghe minutos onzi unu. Sa botzacanastra non prebidet s'impate: in su casu de agualidade a s'agabu de sos 40 minutos ordinàrios, s'ant a disputare addae-addae tempos annanghedores de chimbe minutos onzi unu, finas a cando un'echipa at a superare s'àtera.

Est nàschidu in Springfield (Massachussets) in su 1891, gràssias a s'idea de James Naismith, meigu e imparadore de edugadura fìsiga canadesu. Dae s'agabu de su de XIX sègulos, sa botzacanastra s'est ispainada a su mundu intreu gràssias a s'atividade de propaganda de sa Federadura Internassionale de Botzacanastra, fundada in su 1932. Est un'isportu olìmpigu dae sa de XI Olimpìada, chi aiat tentu logu in Berilinu in su 1936.