Ozieri-Stemma.png
Articulu in logudoresu
Ozieri-Stemma.png

Su càmiu o fintzas càmbiu (paraula de orìzine frantzesa) o, prus tennigamente, autocarru, est unu beìculu a tretu de trasportare mercantzias; est chistione de unu mèdiu de trasportu individuale e si diferèntziat dae sos àteros beìculos ammanitzados pro su trasportu in caminu, che sos remurcos o sos mesuremurcos, pro esser aprovisionadu de motoridade sua pròpia.

Esèmpru de càmiu

Impropiamente, sa numenadura de càmiu est impreada fitianu finas si est imparigadu cun un’apenditze, in custu casu est curretu a faeddare de autotrenu; a bias sa referèntzia si faghet, aguarmente in manera impròpia, finas a su cumparis beiculare custituìdu dae unu tratore caminale e dae unu mesuremurcu, ch’in custu casu formant un’autoartiguladu, regulamentados in modu diferente a petus de s’autotrenu.

S’orìzine etimolòziga de sa paraula “càmiu” derivat dae unu tèrmine fratzesu presente dae su de 14 sègulos, in particulare dae una paraula normanno-picarda chi sinnifigaiat “carru”. S’impreu de su tèrmine naradu e de sas derivaduras suas fiat istadu ozetu de interrogadura, dae bandas de Benito Mussolini, a s’Acadèmia de Itàlia subra de sa curretesa sua, logrende-nde su cussentimentu.