Calidade (economia)

Custa boghe pertocat sa calidade in s'atzetzione prus impreada, in manera essentziale in s'àmbitu de s'ingenieria, de s'economia e de sa produtzione, cando leamus a cunsideru unu bene, materiale o immateriale, chi benit prodùidu pro unu determinadu usu.

In generale, sa medida de sa calidade inditat una medida de sas caraterìsticas o de sas propiedades de un'entidade (una persone, unu produtu, unu protzessu, unu progetu) in contu de su chi s'abetat de cussa entidade, pro unu determinadu impreu.

S'impreu chi si cheret fàghere est de importu, ca sa valutatzione de sa calidade bàriat sugundu s'impitu. Pro esempru, una persone podet èssere un'iscritore bonu meda, ma tènnere una valutatzione meda bassa comente a atleta. A su matessi modu, unu grupu de datos podet tènnere una calidade arta cando impreados comente a informatzione genèrica, divulgativa, ma una bassa calidade pro un'usu de arta pretzisione.

Pro custos motivos, su cuntzetu de calidade est aplicàbile in belle totus sos campos de sa connoschèntzia, onzi borta chi un'ogetu, una persone o àteru, benit cunfrontadu cun su chi nche s'abetat de issu.