Camina-e-faedda

Unu camina-e-faedda, a narrer prus propiamente “emissore-retzidore pramale” (evitare s’ingresismu “walkie-talkie”), est una ràdiu emissora-retzidora bidereturale portàbile chi podet esser bardada in una manu.

Esempru de cammina-e faedda

Sas caraterìstigas suas tìpigas cunsistent in su teninzu de unu canale de comunicadura mesucumpartzidu e puntu-murtipuntu: una ùniga ràdiu podet trasmiter in unu mamentu determinadu, peroe prus ràdios podent intender sa missada. S’emissura cumintzat incarchende su butone “push-to-talk”, fitianu abreviadu cun s’acrònimu PTT (modu mesucumpartzidu).

Sos sistemas prus evoluìdos tenent sa capatzitade de selessionare una banda de transmissura (canale) in intro de una gama de balores posìbiles.

Unu camina-e-faedda assimizat in manera baga a unu telèfonu, a s’avesu est prus mannu chi unu telemòbile, cun un’antenna chi nch’essit dae susu. Cando chi su telèfonu tenet un’artufaeddadore chi podet esser intesu dae una pessone ebia, s’artufaeddadore de unu camina-e-faedda tenet unu ballùmene prus artu e podet esser intesu dae prus pessones in sas probianias.

Sos pramales podent esser impreados pro comunicare intre issos, cun istassiones firmas o montadas in mèdios de trasportu.