Campusantu
Articulu in logudoresu
Si faeddat puru de cimiteriu, dae su gregu koimeterion, e dae su latinu taldu coemeterium, est a narrere su logu in ue reposan (o pasan) sos mortos. Po sos romanos antigos fut proibidu de interrare intro sa tzitade. Sos cristianos an sighidu custa lege. Ma an fraigadu cappellas e crejas subra su sepulcru de sos martires, e cherian essere sepultados affaca a custos sepulcros. Fraighende crejas noas si fraigaiat affaca unu campusantu. Napoleone at proibidu de interrare a sos mortos intro sa tzittade in Frantza e in ateros istados in Europa. Dae tando su campusantu benit fraigadu fora. E an incomintzadu a interrare in su matessi campusantu siat sos cattolicos siat mortos de atera religione. Como su campusantu est de propriedade de sos cumones. In su campusantu si usaiat e si usat interrare, comente narat sa paraula, ponnere suta terra sa cascia cun su mortu. Sas familias riccas aian sa tumba cun tantu de losa; in tempos retzentes si usan puru sos loculos, unu accantu a s'ateru in fraigos cun deghinas e deghinas de loculos.
