Una cartamenteria est un’installadura industriale in ue si produit cartamenta, avesarmente a iscala lada, duncas a mèdiu de s’impreu de cadenas de montazu; si sunt isvilupadas a pustis de s’industrializadura europea manna de su 1.870, peroe particularmente a pustis de sa segunda gherra mundiale.

Sa produidura de cartamenta s’isvilupat in diferentes fases, dae sas matèrias primas a s’insambramentu finas a su remunimentu in matèrias agabadas. Pro su chi pertocat s’insambramentu, est formadu dae una cadena de montazu, cumposta a bia sua dae una filera de carritos trasportadores a ue si càrrigant sos cumponidores pro s’insambramentu; duncas, b’at una moida e un’agabu, in ue su produtu est imballadu opportunamente e tramudadu a su departamentu de matèrias agabadas. Totu s’operadura de montazu de su produtu netzèssitat de unu pessonale a longu de sa cadena, mediamente de 30 pessones.

Peri custu protzedimentu, si produit su prus de sa cartamenta comuna, francu su nitzu minore e sas catolas anatòmigas, chi sighint critèrios de cosidura e insambramentu a manu.