Casu berveghinu sardu

Su Berveghìnu Sardu (NOP) est unu casu sardu cun nùmene de orìzine protèghida.

Su berveghinu sardu est unu casu de tradissione istòriga e curturale longa a beru, impare cun su creschimentu de sa berveghe, chi finas in Sardinna remontat a sa preistòria noulìtiga. Sas zonas de paschimenta agreste si fiant istèrridas finas pro more de s’ispandentamentu sighidu pratigadu in manera sarvaza in s’ìsula dae bandas de sos diferentes invasores e dominadores.

Su Berveghinu Sardu NOP si produet cun late de berveghe sardu pastorizadu, cragu, sale, fermentos làtigos, e si mercadizat in duas bersiones: su zòvanu (o friscu) e su maduru (o istajonadu). Su Berveghinu Sardu NOP zòvanu tenet unos 1-2 meses, cando chi su maduru tenet prus de 6 meses. Su Berveghinu Sardu NOP si diferèntziat dae totu sos àteros tipos de casu produìdos in Sardinna, ca sighit sas aderetaduras prebidas dae una dissiplina de produidura. Sa dissiplina narada prebidet unas cantas obrigaduras, che s’impreu de late de berveghe sardu, o tando s’obrigadura de impreare unu tipu determinadu de etichetadura, chi devet cuntenner in manera obrigadòria su sìmbulu de su cussorzu de Amparu, chi tenet sa sea sua in Casteddu.

Su Berveghinu Sardu NOP est s’ùnigu casu produìdu in Sardinna chi si podet narrer gasi, totu sas àteras bariantes (berveghinu produìdu in Sardinna, Casu Sardu, Casu de Berveghe Sardu) sunt illeniativos chi tenent petzi sa finalidade de remutire sa NOP, belle gasi sena si cunformare cun sas cundissiones tostas apostivigadas dae sa dissiplina de produidura.

Su Berveghinu Sardu NOP est istadu pro paritzos annos s’ispònsoru de su Casteddu Fùbalu.