Cuntrolladore de bolu

Sos cuntrolladores de bolu (narados finas roteris in su limbazu familiale) sunt profissionales chi s’òcupant deretamente de sa dispensadura de sos servìtzios de tràfigu abiàtigu in sos chelos de su mundu intreu, prebenende sos arriscos de cullisura intre sos aparèchios e rennende disgazadu e ordinadu su frussu de su tràfigu abiàtigu.

cuntrolladores de traficu aèreu tziviles, Memphis

Dependende dae s’ispàtziu abiàtigu de cumpetèntzia, sos cuntrolladores de bolu si podent partzire in tres castas:

• cuntrolladores de turre, chi traballant in sas turres de cuntrollu de sos abioportos;

• cuntrolladores de acurtziamentu, chi traballant in ambientes inche sos abioportos o sos tzentros de cuntrollu de arzola;
• cuntrolladores de arzola, chi traballant in sos tzentros de cuntrollu de arzola.

Sa federadura internassionale chi agrupat totu sos assòtzios profissionales de cuntrolladores de bolu est sa FIACTA (Federadura Internassionale de sos Assòtzios de Cuntrolladores de su Tràfigu Abiàtigu).