Cuntrolladorzu

Unu cuntrolladorzu o barrera de cuntrollu o puntu de cuntrollu est un'impostadorzu o logu in ue sos transitadores e sos beìculos sunt arressados in manera obrigadòria pro berìfigas e cuntrollos dae bandas de fortzas de seguràntzia o militares. Si s'agatant in sas làcanas nassionales, sunt narados finas zumbadorzos de làcana e s'impreant pro su cuntrollu de mercantzias e pessones transitende, pro sa berìfiga de su respetu de sas regulativas immigradòrias, fisgales e izènigu-sanidàrias.

Checkpoint Charlie, cuntrolladorzu famadu de sa Gherra frita in Berlinu

In Itàlia, in intro de su territòriu tzivile, sos cuntrolladorzos sunt ammanitzados dae bandas de sas fortzas de seguràntzia in casos istraordinàrios, pro narrer cando s'est in busca de unu bandidadore perigulosu o in àteras situassiones graes e istraordinàrias. Si su cuntrolladorzu est formadu dae fortzas de seguràntzia, in zenerale, issas impreant bandas cravadas, ònzulos o conos pro s'assegurare de s'illenamentu progressivu e de s'arressada de totu sos beìculos.