Detlev Karsten Rohwedder
campidanesa. Abbàida sas àteras bariedades gràficas:
logudoresu · LSC · nugoresu
Detlev Karsten Rohwedder (Gotha, 16 de ladàmini 1932 – Düsseldorf, 1 de abrili 1991) est stètiu unu polìticu e impresàriu tedescu, militanti de su Partidu Socialdemocràticu de Germània.[1][2][3]
Est stètiu su diretori de s'agèntzia Treuhandanstalt, incarrigada de is privatizatzionis de is aziendas de stadu de sa Repùbblica Democràtica Tedesca (RDT o DDR), cando su guvernu e su sistema comunista est arrutu e sa RDT s'est aunida cun sa Repùbblica Federali Tedesca (RFT).
Est stètiu bociu de unu tiradori in sa domu sua de Düsseldorf. Su grupu armau tedescu de ideologia marxista-leninista, Fratzioni de s'Esèrcitu Roig (RAF), s'est atibiau sa bocidura, ma su tiradori no est stètiu identificau.[4][5]
Bocidura modìfica
Su lunis 1 de abrili de su 1991, a is 23:30, Detlev est stètiu sparau e bociu de su primu de is tres corfus chi beniant de unu fusìliu, chi at arrogau s'imbìdriu de sa ventana de su primu pranu de domu sua, situau in su trighìngiu de Düsseldorf-Niederkassel (Kaiser-Friedrich-Ring 71). Su segundu corfu at fertu a pobidda sua Hergard; su de tres at tocau una consola.
Is corfus funt stètius sparaus de 63 metrus de tesu, sa cartùcia de su fusìliu teniat unu càlibru standard de 7.62 × 51mm NATO, e fiat su pròpiu fusìliu chi fiat stètiu impreau po s'atacu de unu tiradori de sa RAF in s'ambasciada americana in su mesi de friaxu. Una cumpuda in sa scena de su crìmini at agatau tres bòssolus de cartùcia, una cadira de plàstica, unu pannu e una lìtera chi atibiàt sa responsabilidadi de s'atzioni a unu cumandu de sa RAF, chi dd'ant postu apustis su nòmini de Ulrich Wessel, una militanti de sa RAF chi morta in su 1975.
Su 2001, po mèdiu de s'anàlisi de DNA de unu pilu agatau in sa scena de su delitu, s'est scobertu chi fiat de Wolfgang Grammos, membru de sa RAF. Su ministèriu pùblicu no at cunsiderau custa evidèntzia bastanti po cunsiderai a Grammos comenti a suspetau de sa bocidura.
Su 10 de abrili 1991, Detlev est stètiu onorau in Berlinu cun una dii de corrutu de su presidenti tedescu Richard von Weizsäcker, su ministru-presidenti de sa Renània de su Norte-Westfàlia, Johannes Fratat, e su presidenti de s'agèntzia Treuhandanstal, Jens Odewald.
Sa sèrie modìfica
Su 25 de cabudanni de su 2020 est stètia publicada in Netflix una sèrie apitzus de custa bocidura, A Perfect Crime.[6][7][8]
Riferimentus modìfica
- ↑ (DE) Ansgar Siemens, DER SPIEGEL, "Der Mordanschlag" im ZDF über RAF-Anschlag auf Detlev Karsten Rohwedder - DER SPIEGEL - Kultur, in www.spiegel.de. URL consultadu su 4 santugaine 2020.
- ↑ (EN) Shots from the Garden - The Rohwedder Case, in looks.film.
- ↑ (DE) Detlev Karsten Rohwedder | Lassalle-Kreis, in lassalle-kreis.de. URL consultadu su 4 santugaine 2020.
- ↑ (DE) Detlev Karsten Rohwedder, in stern.de. URL consultadu su 4 santugaine 2020.
- ↑ (DE) Der Fall Rohwedder, in youtube.com.
- ↑ (EN) A Perfect Crime (TV Series 2020) - IMDb. URL consultadu su 17 santugaine 2020.
- ↑ (ES) SENSACINE (a incuru de), Netflix: Las series que se estrenan del 21 al 27 de septiembre, in sensacine.com, 20 de setembre de 2020. URL consultadu su 20 de setembre de 2020.
- ↑ (IT) Un omicidio irrisolto: la serie TV di Netflix sulla morte di Detlev Rohwedder, in NoSpoiler, 22 cabudanni 2020. URL consultadu su 4 santugaine 2020.