Domenico Fiordalisi

Articulu in logudoresu

Domenico Fiordalisi (Cosenza, 31 de ennàlzu 1960) est unu magistradu italianu. Domenico Fiordalisi est unu magistradu chi a su mamentu est Procuradore de sa Repubblica in su tribunale de Tèmpiu, in Sardigna.

Biografia

Poi de s'esse' laureadu in s'Universidade de Bari, aiat appidu ingarrigos incomente Sostituto Procuratore in sa Procura de sa Repubblica de Paola, Rossano, Cosenza e in sa Direzione Distrettuale Antimafia de Catanzaro. In Calabria at fattu arrestare deghinas de affiliados e collaboradores de calchi cosca mafiosa de sas zonas de Amantea, San Lucido e Cetraro. Est istadu juighe in sos tribunales de Bari, Rossano e Crotone.

Dae su 2008 a su 2012, comente e Procuradore de Lanusei, ada azzeradu totu s'arretradu de s'officiu e ada torradu a abberrer varias inchiestas. At poi dirigidu una importante inchiesta subra sa "Sindrome de Quirra", pro sos casos meda de abitantes de sas biddas de affacca, de mortes pro leucemia e pro malformatziones de animales chi pasculaiana in zonas a lacana cun su Poligono Interforze del Salto di Quirra a Perdasdefogu. In cussu contesto est istada azertada s'esplosione de 1200 missiles chi aian lassadu torio. In pius est istadu acciapadu unu muntonasu de rifiutos perigulosos, inue, dae su 1986 a su 2008, sun istadas ismaltidas tottus sas bombas e munitziones bezzas de sos arsenales italianos, chena sas nezessaria attinziones pro su saludu de militares e tziviles.