Emilio Salgari

Articulu in logudoresu

Emilio Carlo Giuseppe Maria Salgari (Verona, 21 austu 1862 – Torinu, 25 abrile 1911) est istadu un'iscritore italianu de romanzos de abentura meda pobulares.

Autore istraordinariamente prolìfigu, est amentadu mescamente pro esser su “babu” de Sandokan, de su tzicru de sos piratas de sa Malèsia e su de sos cursaros de sas Antiddas. Aiat iscritu finas romanzos istòrigos, comente “Cartagu in framas” e diferentes contos fantàstigos, comente “Sas maravillas de su Duamiza”, in ue prefigurat sa sotzietade atuale unu sègulu in antis, e est cunsideradu unu de sos antiscurridores de sa sièntzia fantàstiga in Itàlia, e in particulare membru de s'arrampu de su romanzu sientìfigu. Medas òperas suas sunt istadas adatadas a su tzìnema e sa telebisura.