Fardeta

Sa fardeta est s’indumenta prus sintzilla chi bi podat esser pro cuguzare sa carena e pro custu est istada impreada, suta de formas bariadas, zai dae s’antigòriu. Tenet sa forma de unu tubu o de unu conu, prèndida a inghìriu de su chintu, e cuguzat sas ancas in manera totale o partiale. B’at paritzos modellos de fardetas, dae sos prus sintzillos, custituìdos dae una pannamenta ùniga aunida, dae unu drapu sintzillu, a sos prus particulares, cun formas orizinales logradas a mèdiu de cosiduras, ifertzas, pìnnigas, alamaramentos. Sa longària est un’elementu chi bàriat meda meda e nche podet sizire cale si siat livellu de s’anca: podet arribare petzi a sa cossa, a su ghenugru, a sos burtzeddos, presentende in custu casu abertas pro permiter una fazilidade de moimentu prus manna, o lingher foras male su solu, caraterizende-si pro sa presèntzia de unu trisinzu.

Sas castas de pannamenta impreadas sunt intre sas prus bariadas: biscosa, zersei, zins, eac. Pro s’istajone istiale, s’ant a isseberare fardetas de istofa lizera a beru, chi permitent de faghet respirare sas ancas e, in su matessi tempus, de las “cuguzare”. A su contràriu, pro s’ierru esistint fardetas in pannamenta de tertziupelu, meda caentes pro protegher sas ancas dae su fritu chi, cumbinadas cun botas, permitent de no tenner sos pantalones e sas ancas infustas.