Fondo Ambiente Italiano

Articulu in logudoresu

Su Fondo Ambiente Italiano (connuttu finas cun sa sigla FAI) est una ONLUS italiana fundada in su 1975 e at sede in Milano, e at su fine de tutelare, mantennere in funzione e contivitzare partes de su patrimoniu artistigu e naturale italianu chi at rezidu in donazione, eredidade o comodadu. S'associatzione curat finas s'educatzione e sa sensibilitzazione de sa collettividade a sa connoschentzia, su rispettu e contivitzu de i cussos benes finas cun interventos in sos varios territorios pro difende' su paesaggiu e sos bene culturales.

Istoria

Sa idea de sa fundatzione de una ispecie de National Trust italianu proveniat dae sa cultura liberale in sa persone de Elena Croce. Su fundu fit naschidu dae ideas condivisas dae Renato Bazzoni, Giulia Maria Mozzoni Crespi, Franco Russoli e Alberto Predieri.