Gazeta piemontesa


Articulu in logudoresu

Sa gazeta piemontesa (Gazzetta Piemontese in italianu) fit su giornale ufitziale de su Rennu de Sardigna.

Istoria modìfica

S'istoria sua si podet partzire in duos tempos:

Periodu 1796-1800 modìfica

In su mese de Nadale de su 1796, su gubernu piemontesu aiat seberadu de nde bogare su privilegiu de imprenta a sos chi tando, pro traballu, imprentaiant gazetas in Torinu e de faghere in logu insoro unu giornale ufitziale. Naschiat de custa manera sa Gazzetta Piemontese, in ue su segretariu de Istadu Vincenzo Valsecchi faghiat su redatore.

Su giornale aiat sighidu a imprentare siat in sos tempos de Napoleone (1797-1799) siat cun sa restauratzione austro-russa (1799-1800). Che lu aiant tancadu cun sa torrada de sos frantzesos, pro more de unu decretu de sa Cummissione esecutiva de su 26 de su 1800 in su mese de Santu Gaine, chi poniat frenu meda a sa libertade de imprenta.

Periodu 1814-1860 modìfica

Su giornale nche lu aiant torradu a aberrere cun sa ruta de su Rennu de Italia fatu dae Napoleone e cando che fint torrados sos de Savoia. Lu aiant imprentadu, semper in Torinu, dae su 2 de austu de su 1814 (numeru de unu) a su 3 de jannalzu ed su 1860, in sa tipografia D. Pane. In su cominzu nde faghiant unu numeru nou dontzi tres chidas; in su 1834, lu aiant fatu cotidianu. A pustis de s'Istatutu Albertinu (martzu 1848), che li aiant agiuntu su titulu cumpridu de "Giornale ufitziale de su Rennu". Dae su 1849 a su 1857 nde fit a cabu Guglielmo Stefani, chi a pustis diat a fraigare s'agentzia de imprenta chi at pigadu su numene sou (Agenzia Stefani). In su 1860, sa gazeta piemontesa at mudadu numene in "Gazeta ufitziale de su Rennu de Sardigna" e a pustis in "Gazeta ufitziale de su Regnu de Italia", cun s'aunimentu italianu.