Giara
Articulu in logudoresu
Sas giaras (tèrmine campidanesu, in logudoresu diat esser “patada”) sunt sos mesados basàrtigos incunfundìbiles de su Sarcidanu e de sa Marmidda, postos in sa parte tzentru-meriesa de sa Sardinna. Craramente bisìviles dae sas zonas parisincas, si presentant che artupranos a sas bisuras caraterìstigas de fortalesas naturales istremenadas, probidas de bastiones a sas paredes impalonadas e inatzessìbiles antigamente.
.jpg)
Assimizadoras a sas mesas messiganas, medas archeòlogos pessant chi siant istadas impreadas dae sos sardos nuràghicos comente s’ùrtimu baluarte de resistèntzia contra a sos imbasores pùnigos e a pustis romanos. Cun efetos, a longu de su perìmetru cucurale de sa giara de Gèsturi (naradu “sa canoa”) si podent galu pompiare 24 nuraghes, cando chi finas a 50 s’aliniaiant una die in pees de sos bastiones etotu.