Harry Potter

Custu artìculu est iscritu in sa grafia

campidanesa

. Abbàida sas àteras bariedades gràficas:

Harry Potter est una saga literaria fantasy in seti librus, ideada de sa scritora ingresa Joanne Kathleen Rowling a s'incumentzu de is annus noranta e iscrita me is annus sighintis intru de su 1997 e su 2007. S'opera descrit is aventuras de su magu Harry Potter e de is mellus amigus de issu, ki tenint totus sa pròpia edadi, Ron Weaslsy e Hermione Granger. S'istoria s'ambièntat in sa Scola de Maxìa e Bruscerìa de Hogwarts innui is magus e is bruscias ingresus impàrant sa maxìa. Is librus coberrinti unu perìudu de tempus de seti annus - unu po donnya annu - de su momentu candu Harry, unu piccioccheddu de doxi annus fora de babai e mamai e bivit cun is tzieddus malus adotivus Vernon e Petunia Dursley, incumentzat a cumprendit ca tenit su pederi de sa maxìa e andat a Hogwarts innui atobiat s'innimigu Voldemort ki iat bocìu su babai e sa mamai de Harry.

Harry Potter, s'est furriau unu fenomenu literariu in Inghilterra in su 1997, annu candu est bessìu su primu libru, in su Reìnu Unìu, de su maghixeddu cun su titulu "Harry Potter and the Philosopher's Stone " (Harry Potter e sa Perda de is Filosofus). In su 1998 su sucessu si spraxit in totu su mundu: scéti in Italia at bendiu 20.000 copias e bincit puru unu premiu po sa literatura po piccioccheddus. Me in Istadus Unìus sa domu cinematografica Warner Bros comporat is diritus cinematograficus de su libru e in su 2001 su libru s'est furriau in d'unu filme interpretatu de s'atori Daniel Radcliffe.

In su mesi de abrili de su 2007 is ses librus ant bendiu 400 millionis de copias e funti stetius tradussius in prus de 64 linguas.

Ambientatzioni de s'opera

Is istorias s'ambientant casi totus in sa Scola de Maxìa e de Bruscerìa de Hogwarts, unu casteddu in mesu de montis, ki si podit sorigai pighendi su trenu espressu po Hogwarts in su binariu 9 e 3/4 de sa statzioni de King's Cross in Londra. Is attrus logus a parti Hogwarts funti:

Pivet Drive 4 - sa domu de is tzieddus de Harry Potter e innui benit presentau po sa prima borta Harry.
Su Cuili - sa domu de sa familia Weasley, logu su contrariu de sa domu de is tzieddus de Harry.
Arruga Alley - s'arruga de is butegas de Londra innui si podint comporai articulus de maxìa po cussu ki no funti magus (Babanus), innui s'agatat puru sa banca Gringott, sa banca de is magus. S'ingressu sagattat in su stali de sa Pingiada Magica, una locanda po magus.
King's Cross - sa statzioni de Londra de innui partit su trenu po Hogwarts.
Hogsmeade - sa bidda de is magus innui, no meda atesu de Hogwarts, e innui nci funti medas butegas e localis (Tres manigus de Scova, Conca de Procu) ki ant bessiri me is atrus librus.
Grimmauld Place 12 - sa domu de Sirius Nieddu, logu de s'Ordini de sa Fenici.
Ministeru de sa Maxìa - logu de su poderi magicu.

Atrus logus no funti meda importanti, ma ki si podinti biri medas bortas in totu sa saga. Cancunatru logu aparessit scéti in d'unu libru, atrus no funti mancu frecuentatus de su protagonista.

Arruga de sa Noti - innui si podinti agatai cosas poderosas de sa maxìa niedda.4
Little Hangleton - bidda de sa familia de Lord Voldemort.
Uspidali Santu Mungu - uspidali de magus po maladìas e feridas magicas.
Spinner's End - sa domu de Severus Pitoni.
Villa Malfoy - sa domu privada de sa familia Malfoy ki bideus in su setimu libru.
Villa Conkillya - sa domu de sa familia de William Weasley, de mulleri sua e de is fillus.
Godric's Hollw - bidda a ca est nasçu Harry e innui funti stetius bocìus su babai e sa mamai e innui at biviu Dromigosu.
Azkaban - presoni de is magus, ki esti controllada de is Suçanimas

Personajus mayoris

Harry Potter, su protagonista.
Ron Weasley, su mellus amigu de Harry, tenit 5 fradis (Bill, Charlie, Percy, George, Fred) e una sorri, Ginny.
Hermione Granger, sa mellus amiga de Harry. Draco Malfoy da stratallat poita no tenit sanguni "sketu" e da intzerriat "mesu sanguni".
Albus Dromigosu, meri de Hogwarts e educadori de Harry; meri puru de s'Ordini de sa Fenice, morit in su sestu libru bocìu Severus Pitoni.
Lord Voldemort (Tom Orvoloson Riddle), su mayori innimigu. Circat de bociri de Harry Potter e is Mesusangunis (cummenti Hermione) por limpiai e cumandai su mundu magicu fadendisì ajudai de is Papamortis. Issu puru est un Mesusanguni.
Minerva McGranitt, sa segunda meri de Hogwarts, maista de Trasfiguratzioni, diretora de sa domu Grifondoru, fait parti de S'Ordini de sa Fenice, est sa meri de Hogwarts candu Albus Dromigosu morit.
Severus Pitoni, diretori de sa domu Tzerpibirdi, maistu de potzoinis e professori prusu odiau de Harry. "Fait parti" issu puru de s'Ordini de sa Fenice.
Ginny Weasley, sorri pitticca de Ron e s'amori mannu de Harry.
Draco Malfoy, cumpanju de scola de Harry in Hogwarts, innimigu suu, si ponit a sa parti de Lord Voldemort. Esti un de is Pappamortis candu Albus Dromigosu est bocìu.
Rubeus Hagrid, Mesusanguni, custodiu de is crais de is logus de Hogwarts.
Sirius Nieddu, pardinu de Harry, e mellus amigu de de su babai suu, fait parti de s'Ordini de sa Fenice. Benit bocìu de Bellatrix Lestrange, sorresta sua, in su cuintu libru.
Neville Paciock, amigu de su protagonista