Limba ebrea/logudoresu: diferèntzias tra is versiones

Sa limba ebraiga est una limba semìtiga faeddada in su mundu dae unos sete milliones de pessones. Est su primu idioma ufissiale de s’Istadu de Israele. S’ebraigu impreat un’arfabetu suo pròpiu e s’iscriet dae manu dereta a manu manca. S’impreu de s’ebraigu fiat istadu meda limitadu pro sègulos e sa renàschida sua, chi nch’at zutu a sa limba ebraiga moderna, cun terminolozia cumpreta chi cuguzat totu sos domìnios de sa bida, si devet in antis de totu a s’òpera istraordinària de Eliezer Ben Yehuda (1.858-1.922), unu zudeu lituanianu chi si fiat tramudadu a sa terra santa deretu a pustis de si cojuare. Aiat coladu sa bida sua intrea pro cumpilare sos 17 ballùmeneballùmenes de su “Dissionàriu de ebraigu antigu e modernu”, chi galu oe custituint su testu fundamentale de sa limba atuale. Custa ùrtima, ch’in sos testos bìbrigos fiat limitada a 8.000 bogàvulos ebia, nde contat oe cun 120.000, chi sunt in aumentu sighidu.