Talete: diferèntzias tra is versiones

Talete de Miletu est cunsiderau su primmu filosofu de otzidènti poita est stètiu su primmu a giài una ispiegatziòni de su mudamentu continu de su mundu e de totu is cosas chi si agatant a intru suu chentza de ndi bogai a pillu mitus e divinidàdis. Est cunsiderau su cummintzadori de sa filosofia otzidentali puru poita est su primmu chi s'est postu su problema de s'''arché'', est a nai su de agatai s'unidàdi chi est a suta de sa multiplitzidàdi chi si presentat in sa realidàdi.
Intàmas de si cunformai a sa mitología grega, Talete cunsiderat s'àbba su printzípiu de ònnia cosa e s'eleméntu chi fait a fundaméntu de totu is cosas chi esistint. S'àbba benit cunsiderada, gratzias a is mudaduras ca issa atotu tenit in natura (ghiàciu, papòri, umidàdi), commenti sustàntzia (su chi est a suta e a fundamentu de ònnia cosa) e commenti essèntzia (su chi a intru suu ònnia cosa est); est a nai, mancai cambiat sa forma sa sustàntzia abarrat sempiri sa matessi.