Wikipedia:Tzilleri: diferèntzias tra is versiones
Content deleted Content added
Lìnia 968:
::Salude {{Risponde_a|Placebo2}}. Su chi propones tue si diat pòdere fàghere e diat pòdere èssere una bidea bona pro pònnere totu is optziones de variedades a paris livellu. Abarrat però semper su problema ca s'isseberu de sa LSC - chi nois ddu chergiamus o nono (!!) - tenet fintzas bàlida polìtica. Sa regione dd'at aprovada in bia isperimentale, però est berus fintzas ca est prebididu de dda curregire (una die) e est meda possìbile ca a su nessi sa grafia potzat cambiare in su benidore. Is polèmicas chi in custos bindighi annos si nche sunt pesadas contras de sa LSC no agiudant a dda fàghere pràghere e gente chi protestat e disfamadores ant a sighire a nd'arribbare, fintzas a sa die chi, brighende·brighende, sa limba s'at a ispèrdere. Peristantu, nois tenimus fintzas pàginas chi depent èssere subra-locales (s'unica chi tèngiat una carchi aprovatzione istitutzionale est sa LSC), comente sa de benebènnida, e chi faghimos àteras maratonas comente "wikifèminas" creo ca sa mègius variedade diat èssere semper una variedade subra-locale e aici sighende, ca semus pagus e non nos podimus permìtere de traduire totu in 4 bariedadis cada borta. {{Risponde_a|Paninu}}Pro su chi pertocat s'esperièntzia mia, sa majoria de sa gente cando ddi faeddo de sa LSC non tenet bidea de ite cheret nàrrere e cando si ddu ispricu non ddis importat nudda. In bidda mia ant fatu cursos de LSC e in una pariga de cosas dd'ant fintzas usada, a su mancu pro sighire is règulas ortogràficas, iscriende mancari cun s'allega de bidda (bidda mia est una de cuddas cun allega colore-de-cane-fuende, o mesania chi chereis, ma sonat '''meda prus campidanesa''' chi non logudoresa). A parre miu, nois non podemus tupare a solos is istampos chi lassant a livellu istitutzionale, mentras ca s'ùnica bia comuna chi sa regione nos inditat pro imoe est sa LSC. Abetende chi agantent solutziones mègius de custa, depimos abarrare canto prus chi potzamos foras de is polèmicas: est aici chi semus resissidos a dare unu pagu de òrdine e organizatzione a sc.wikipèdia.--[[Usuàriu:Mattafalluga|Mattafalluga]] ([[Cuntierra usuàriu:Mattafalluga|talk]]) 23:15, 13 Maj 2020 (CEST)
::: Dade cara a una cosa importante: cun sa cuntierra mea non semus chistionende de LSC nen de àteros istandard. Non semus chistionende de su fatu chi siant giustas o nono. Semus petzi nende chi, a livellu entziclopèdicu, '''pro como''', podet èsser mengius a frunire sos trastos (templates in custu casu) chi diant sa garantzia de una paridade linguìstica. Su chistionu no est nemmancu subra sos vandalos, ca nch'est bessidu a campu cun impitadores normales. Duncas deo poto fintzas èssere de acordu cun tegus {{Risponde_a|Mattafalluga}} subra sa LSC, ma non chergio faeddare de cussu como, ca si nono abberimus su vasu de Pandora ahahah. Gràtzias pro s'interventu bostru {{Risponde_a|Paninu}} e {{Risponde_a|Mattafalluga}}, como bidimus si calicun'àteru narat carchi cosa. --[[Usuàriu:Placebo2|Placebo2]] ([[Cuntierra usuàriu:Placebo2|talk]]) 23:25, 13 Maj 2020 (CEST)
::::Saludi a totus. Meda pati de bosus scit giai chi deu no tengu prus tempu ma d'onya tanti cicu de fai unu minimu. Po custu fatu, si nau sceti chi meda annus faidi seu intrau in sc.wiki cun s'idea de de scidai torra (fiat firma a 300 boxis cun una polemica manna meda a pitzus de "cali sardu"). Deu apu cicai de da fai partiri torra scriendi in campidanesu (chi sciu iscriiri e nun beni meda sceti in custa bariedadi) e operrendi a totus. Adi funtzionau in calincuna mannera e du bieis d'onya dì, gratzias a chini adi traballau in is annus passaus, a custa obertura e a bosartus chi feis unu traballu meda meda importanti. Nau custu, no sciu cali est sa solutzioni. Meda campidanesus protestant poita ca no si riconoscint in su nugoresu, ma nimancu in sa LSC e fintzas nimancu in campidanesu scritu sighendi calincuna arregula. Est unu carraxu poita ca sa beridadi est chi is campidanesus funt potentzialmenti sa prus manna pati, ma meda de issus nun du chistionant e duas gatus du scriint. A su printzipiu deu femu ispirau de sa Wiki emiliana cun totas is bariedadis e cun is banderas po spiegai. No sciu cument est oi, ma sa cosa diffitzili est candu c'est sceti una boxi in una bariedadi. Si partu deu cun su campidanesuu, est diffitzili de spiegai a un artru chi, si chistionada su logudoresu po fai un esempiu, depit oberri una pagina noa e cumentzai torra. Mi dispraxit si ci funt prus problemas chi solutzionis ma fun annus chi cicu una solutzioni e nun da acattu, considerau tottu... Podit essi perou chi custu est unu stimulu po unu "brainstorming" e ndi bessi a foras calincuna cosa. --[[Utente:Elcaracol|<span style="color:blue"> '''Elcaracol'''</span>]] <small>[[Utente discussioni:Elcaracol|<span style="color:red">''(Tzerriamì puru)''</span>]]</small> 00:33, 14 Maj 2020 (CEST)
| |||