Corfu de gorgobena: diferèntzias tra is versiones

▲Su '''corfu de gorgobena''' (lu naran fintzas '''corfu de gùturu''' o ''oclusiva glotidale surda''; in inglesu si nat ''glottal stop'', in frantzesu ''coup de glotte'') est unu sonu chi si faghet faghende essire forte s'àera a foras dae sos purmones e in su matessi momentu serrende e torrende a abèrrere deretu sa [[gorgobena|gorgoena]] acurtzu a ue sunt sas cordas vocales. In s'[[alfabetu foneticu internatzionale|alfabetu fonèticu internatzionale]] IPA s'iscriet cun sa litera [ʔ].

▲Si narat chi est unu [[sonu oclusivu]] ca si faghet firmende pro unu momentu s'àera comente est colende in sa gorgoena e a pustis lassende·la essire.Si narat chi est surdu ca non faghet sonare sas [[cordas vocales]].Si narat chi est [[guturinu]] (in italianu ''glottidale'') ca si faghet in intro de sa gorgoena.

▲In sardu si narat in sos limbàgios barbaritzinos de [[Ollollai]], [[Fonne]], [[Orgòsolo]], [[Mamujada]], [[Oltzai]], [[Ovodda]], [[Gavoi]], [[Lodine]], [[Ulìana]] imbetzes de sa c "tosta" (sa oclusiva velare surda chi l'iscrient [k] in s'alfabetu fonèticu IPA) comente bi fiat in latinu e comente est abbarrada in sas àteras biddas a curtzu a [[Nugoro|Nùgoro]] . (es. chisina>hisina; secare>sehare; porcu>polhu ocru>olhu) Custu sonu l'iscrient cun sa h, o in calicuna de custas biddas fintzas cun s'apòstrofo ( ' ); b'at meda gente chi iscriet "c" o "ch" comente in sos àteros limbàgios sardos leghende·si ·lu comente lu narant issos.

▲Custu matessi sonu lu manìgiant in su [[Sarrabus]] puru. In sos limbàgios sarrabesos de [[Biddeputzi]], [[Murera]] e [[Santu Idu]] narant su corfu de gorgoena imbetzes de sa n e de sa l cando custas cunsonantes sunt in mesu de vocales ( es. sole>sohi; pane>pahi; cane>cahi).

▲In sos àteros limbàgios sardos su corfu de gorgoena si podet nàrrere prima de una vocale in s'incomintzu de una paràula ma no at perunu balore [[fonològicu]]. Gai etotu est in italianu e in àteras limbas europeas. Est unu [[fonema]] importante in ateras limbas comente s'arabu.