Ispidale sichiàtrigu

Un'ispidale sichiàtrigu, cunnotu finas comente “manicòmiu” o, cullochiarmente, comente “domo de macos”, est un'ispidale ispetzializadu in su tratamentu de sos istrobos mentales.

Sos ispidales sichiàtrigos bàriant ampramente in tèrmine de dimensiones e crassifigaduras. Unos cantos ispidales podent esser ispetzializados petzi in sa terapia a tèrmine curtu, o sa de ambulatòriu pro passientes de arriscu bassu. Ateros podent esser ispetzializados in su tratamentu tempuranu o permanente de passientes in istadu de internamentu chi, comente cunseghèntzia de un'istrobu sicolòzigu, dimandant un'assistèntzia o unu sighimentu diàriu, o un'ambiente ispetzializadu e cuntrolladu. In medas paìsos, sos passientes a s'avesu sunt amìtidos a boluntarismu, peroe su passiente podet esser internadu finas contra a sa boluntade sua cando podet custituer unu perìgulu de sinnìfigu pro sese etotu e pro sos àteros.