Istassione intermodale de Carbònia

S'istassione de Carbònia Serbariu, cunnota finas comente “Tzentru intermodale de Carbònia”, est s'istassione ferruviària e de sas lìnias postalencas ativa in sa bidda de Carbònia, tèrminus de su caminu de ferru de Bidda Matzraxa. Prozetada e realizada intre sa segunda metade de sos annos 2.000 e su cumintzu de su 2.010 cun sa finalidade de favorizare s'intertràmunu ferru-asfartu e pro acurtziare su terminale ferruviàriu a su tzentru de sa bidda surcisana, s'istassione est istada inagurada su 23 de triulas de 2.011. Su zestionadore de s'infraistutura ferruviària de s'installadura est RCFI.

Istruturas e installaduras

Su tzentru intermodale de Carbònia Serbariu si presentat comente installadura subra de duas prantas, chi una s'agatat a su livellu de su caminu e cumprendet mescamente su terminale de ambas lìnias postalencas e sas istruturas relassionadas cun isse (10 figuretes de istassionamentu pro sos postales, isetadorzu probidu pro s'efetu, servìtzios sanidàrios addae de duos istabilimentos cumertziales). In sa matessi pranta, est postu s'aparcadorzu de s'istassione, istèrridu in sa superfìtzie de un'ètara, cun cabida de unos 200 zassos de aparcamentu, dimensionadu in manera a resorver una de sas critigalidades de s'installadura de Carvònia Nassionale, relassionada pretzisamente cun s'iscassia de aparcadorzos. In una pranta prus bassa, s'agatat su terminale ferruviàriu propiamente naradu, atzessìbile a mèdiu de iscalas e rampas de atzessu pro discapatzitados. Finas in custa pranta bi sunt istabilimentos de servìtziu pro s'atividade, cun un'istabilimentu cumertziale, un'isetadorzu apositivu e servìtzios sanidàrios.

Architetura

Su fraigu de biazadores de Carbònia Serbariu, dae su puntu de bista architetònigu, est caraterizadu dae unu portigale cun duas fileras de colunnas tzentrales, prus duos pilotones chirrales in s'istremidade de s'istrutura. Su materiale impreadu est su betone armadu.

Caraterìstigas

Su terminale ferruviàriu de su tzentru intermodale de Carbònia Serbariu est istruturadu comente transitadorzu de conca, e est probidu de duas bias truncadas, separadas dae un'apeadorzu dotadu de pèndida. Su transitadorzu s'impreat iscrusivamente pro su servìtziu de passizeris, cando chi pro sas àteras finalidades de utilizadura (servìtziu de mercantzias, remunimentu de rodados) s'impreant sas istuturas antisesistidoras de su transitadorzu de Carvònia Nassionale.

Su transitadorzu no est pessonaladu pro su chi pertocat s'atividade ferruviària. Sa zestione de su moimentu, incrùdidu cussu intre sas duas istassiones carvoniesas, est realizadu a sa remota dae bandas de s'A.TZ.O. de Casteddu, cun sa cullaboradura de su pessonale in servìtziu inche Carvònia Nassionale, cando custa ùrtima est pessonalada.