KNA (banda musicale)

grupu musicale sardu


Articulu in logudoresu

Sos KNA (fintzas Kenzaskra o Kenze Neke - Askra) sun istatos una banda musicale folk rock sarda fundata in Thiniscole in su 2006 e attiva fintzas a su 2012. Naschitu dae s'aunimentu de sos duos grupos rock thiniscolesos Kenze Neke e Askra, su prozetu KNA at torratu a interpretare in crae acustica repertorjos de sas duas bandas e fintzas cantones novas.

KNA
Connotu fintzas comente Kenzaskra
Kenze Neke - Askra
Orìgine Thiniscole, Sardigna, Itàlia
Gènere musicale Folk rock, Mùsica acùstica[1] in sardu
Annos de atividade 2006-2012
Etichetas KN produtziones
Artistas assotziados Askra, Kenze Neke, Soberanìa Populare
Giassu askra.it - kenzeneke.com
Membros colados Homar Farjna (boghe, percussiones), Marco Cau (boghe, chitarra), Renzo Saporito (boghe, chitarra), (chitarra, coro), Alessandro Chighini (chitarra, coro), Claudio Roccia (bassu, coro), Luciano Sezzi (sassòfonu, coro), Sergio Putzu (fisarmònica), Walter Patimo (bateria, percussiones, conga, djembe), Francesco Bachis (trumba), Daniele Cuccu (trumbone), Massimo Loriga (sassòfonu, boghe), Andrea Pinna (flautu traversu), Gemiliano Cabras (violoncellu)

Istòria modìfica

Su prozetu KNA naschit in su 2005 dae s'aunimentu de duos grupos, chi benin ambosduos dae sa tzittade de Thiniscole: sos Askra, chi sichin a esser in attivitate issoro in prus de su periodu KNA, e sos Kenze Neke, chi aìan accabbatu de cantare in su 2000. Sas bandas tenìan a cumone su matessi zenere musicale (su folk punk) e sa matessi bidea politica (indipendentismu sardu), e aìan zai traballatu paris in su 1995 'achende su mini album "Gherramus tott'impare". Pernu de s'aunimentu 'it sa punna a torrare a pessare in crae acustica sos repertorjos de sas duas bandas distintas. Su primu cuntzertu de sos KNA est in su 27 de su mese de Capidanne de su 2006 in Prata Santa Caderina in Tàtari, chi li at sichitu cussu fattu in su 25 de Sant'Andrìa in su Titty Twister de Selargius in provìntzia de Casteddu. Custu, chi benit lezistratu, daet su cumintzu a su primu traballu de su grupu: su live album "Ruju" essìtu a campu in su 2007. Sos KNA sichin s'attivitate issoro in istiu de su 2007 andande foras dae sa Sardinna e cantande in cuntzertu in Pisa e Bologna. In attonzu de su matessi annu su grupu isseperat de traballare cumponende cantones novas, chi los at a 'acher essire s'album "Respetu e Amore" prubicatu in su marcu indipendente "KN produtziones". In su 2011 essit cun s'Unione Sarda sa regorta "Andhonzu" chi collit cantones de sos Kenze Neke, Askra e Tzoku. Su prozetu KNA accabbat in beranu de su 2012, pro more de su fattu chi Alessandro Chighini, Homar Farjna e Luciano Sezzi aìan lassatu sa banda. In su 2013 naschin sos de "Soberanìa Populare", band cumposta dae medas cantadores e musitzistas de sos KNA.

Notas modìfica

  1. [1] conoscerelasardegna.it/musica/kenzeneke (IT): ...(i Kenze Neke) assieme agli ASKRA hanno dato vita al progetto KNA, nel quale un sound acustico fa da sottofondo alle denunce sociali che sono sempre presenti.
Controllu de autoridadeMusicBrainz 60dd203e-431c-4566-a5c1-1285d555675d