Latùmene

Su latùmene est unu produtu pischencu tìpigu sardu e sitzilianu, impreadu in sa coghina logale.

Est istadu recunnotu ufissiarmente e intradu a sa lista de sos produtos agroalimentàrios tradissionales italianos (P.A.T.) dae su Ministèriu de sas Polìtigas Agrìculas, Alimentàrias e Padentales (Mipaap). Isse si lograt dae sa traballadura de sa bussa de sa sèmena de sos isemprales masculinos de sa tunnina o de s'eritola.

In Sardinna s'agatat mescamente in sa costera ponentesa de su Cabu de Zosso (Caraluforte est cunnotu in manera ispetziale pro su latùmene suo), cando ch'in Sitzìlia est tìpigu prus chi totu de sas zonas de Tràbani, Palermu e Siragusa. Est su tantu masculinu de sa butàriga, dae sa cale si diferèntziat pro su colore, chi est rosa carrencu, cando chi sa butàriga est in colore de arantzu.

Est un'amaniadura rara e de arta gastronomia. Podet esser impreadu pro cunfetare macarrones o insaladas, o tando si podet cunsumire deretamente frissu. In sa coghina trabaniesa s'utilizat finas suta de sale.