Mastru sarvabidas

Su mastru sarvabidas (o sarvabidas, tentadore de praja) est su chi bìzilat subra de sa seguràntzia de sos chi frechentant nadadorzos e barneadorzos in prajas de mare o de lagu.

Est capatzitadu dae sa Sotziedade Nassionale de Sarvamentu de Zènova, dae sa Federadura Italiana Nadu, partzidura de sarvamentu, o dae sa Federadura Italiana de Sarvamentu in Aba, e tenet tareas de azutòriu chirru a sos chi s’agatant in situassione de perìgulu in s’aba.

Ispetzifigatamente, su sarvabidas devet: 1) prebenner sos intzidentes in s’aba e parare fronte a issos si acontessint, aprighende sas tènnigas de sarvamentu e primu azutòriu achisissionadas in su cursu de formadura e atualizadas periodigamente; 2) regulare sas atividade de impojadura bizilende a pitzos de su cumportamentu de sos usuàrios; 3) aprigare e mandare respetare sas ordinàntzias de sa Cabitania de portu o su regulamentu de su nadadorzu; 4) berifigare in manera periòdiga sa chìmiga de sas abas in sos nadadorzos e sas cundissiones izènigas de s’ambiente.

Sas cumpetèntzias achisissionadas in su cursu de formadura li permitint de intervenner in modu adeguadu pro pratigare sas tènnigas de primu azutòriu, finas in su casu de asfissia e parada corenca.