Medianerismu

Articulu in logudoresu

Su medianerismu est unu fenòmenu criminale chi tenet de ozetu s'aprofetamentu de sa manu de òpera peri mètodos illegales.

Est naradu medianerista s'individu chi, a s'avesu in sas primas primas oras de sa die, isprosat manu de òpera diària, normarmente no ispetzializada, pro chi traballet sena documentos e in manera illegale in diferentes setores, chi sos prus ispainados pertocant su traballu in s'agricurtura (traballu in sos campos) e in fraigadorzos illìtzitos.

Ispainadura de su fenòmenu

Su fenòmenu est meda ispainadu in su mundu, in Itàlia l'est mescamente in su merie continentale de zosso. Su medianerismu est relassionadu fitianu cun organizaduras sutamundistas. Isse zenerarmente agatat atopu mannu in sos pizos prus dèbiles e iscullocados de sa pobuladura, pro narrer in mesu de sos traballadores immigrados (che sos foracomunidàrios).

In Itàlia

Custa pràtiga esistit dae dègadas in sas zonas agrìculas italianas e est aguarmente documentada in sas crònigas: in su maju de su 1980, tres piseddas de sa bidda apuliesa de Ceglie Messapica perdent sa bida in unu postale de sos medianeristas. Su 17 de triulas, unos cantos medianeristas proant a leare in petus traballadores e sindigalistas de Villa Castelli in tempus de una manifestada contra a su fenòmenu, a pustis de lis aderetare repìtidas minetzas de morte. Su 21 de triulas, aguarmente in Villa Castelli, otu medianeristas armados a pistola aiant atacadu sos sindigalistas de sa CZIT e aiant assartadu sa sea logale de su sindigadu.

Su fenòmenu de su medianerismu s'est ispainadu galu de prus cun sos iscostiamentos migratòrios reghentes aproghilende dae s'Àfriga, dae sa Mesìsula Barcàniga, dae s'Europa levantesa e dae s'Àsia: difatis, sos chi emìgrant lllitzitamente in s'isperu de mezorare sa cundissiones suas pròpias nche ferit cun fazilidade a sas manos de custas pessones, chi li reduint in un'istadu de iscravura e dependèntzia.

In su ghennarzu de 2010, sos traballadores foracomunidàrios de sa bidda calabresa de Rosarno amàniant una filera de manifestadas contra a sos medianeristas, su tensu cunzughet un'iscalada de biolèntzia intre bratzeris e abitadores de sa leada minora calabresa. Su 26 de abrile de 2.010, detenent in Rosarno 30 medianeristas, chi aprofetaiant traballadores foracomunidàrios custrìnghidos a traballare in cundissiones disumanas in sos campos, collende tzìtrigos curtivados in sa zona de Rosarno, cun bussardos de traballu aguales a 15 oras sa die. S'incherta, in prus de custu, at permìtidu de ghetare lughe a subra de unu sistema de trampas pratigadas a dannu de sas entidades de seguràntzia sotziale. Pro su chi prendet s'aspetu patrimoniale, sunt istados sechestrados dughentos terrinos e binti impresas agrìculas pro unu balore grobale de 10 milliones de euros. Su 5 de làmpadas de 2.011, in Villa Castelli, in su cuadru de s'operadura Little Castle” de sa polima fisgale, s'arrecatant benes pro unu totale de unu millione e mesu de euros.

S'art. 12 de su D.L. de su 13 austu 2011, n. 138, cumbertidu cun modifigaduras dae sa leze de su 14 cabudanni 2011, n. 148, at introduìdu a su còdighe penale italianu su delitu nou de “intermediadura illìtzita e aprofetamentu de su traballu”. Sas cundennas prebidas pro sos gasi narados “medianeristas” sunt sa presonia dae chimbe a otu annos e una machitzia dae 1.000 a 2.000 euros pro onzi traballadore imboligadu.