Olostriche

S' olostriche (lumen issientificu: Ilex Aquifolium) est una mata de artura e de locos umbrosos, creschet bene in terrinos arenosos, chi b'apat ladàmine e minerales. Bi nd'at a mola e a matta, arta dae sos battor a sos deche metros, podet arribare fintzas a sos binti. Sas fozas sunt lùchidas, corriatzas e ispinosas, sos frores, masculinos e femeninos, bi sunt in matas diferentes, sunt arbos e isparghent in aprile e in maju; sos frutos, minores minores, si tinghent de ruju luchènte in s'iberru.