Padre Pio

Padre Pio dae Pietrelcina, (Pietrelcina, 25 maju 1887 – San Giovanni Rotondo, 23 cabudanni 1968) est istadu unu presbìteru italianu.

Padre pio giòvanu

Biografia

Nàschidu in Pietrelcina, dae familia de contadinos su de battoro de otto fizos. Frantziscu Forgione, custu su nomene sou, intrat in su noviziatu de sos Capputzinos in su 1903 e leat su nomene de Pio. Est istadu ordinadu predi su 10 de austu 1910.

De paga salude, ma dotadu de signos istraordinarios, sognos e bisiones. In su 1918 est mandadu a su Cunventu de San Giovanni Rotondo, in su Garganu. Sa vida sua po annos meda est istada signada dae preghiera, penitentzia, dae sa tzelebratzione de sa Missa, cun devotzione manna, e chi duraiada a longu, dae s'incontru cun sos fideles chi beniana dae tota Itàlia e puru dae fora, e dae sas cunfessiones, po oras meda ogni die. Su 20 de cabidanni 1918 retzidit sa istìmmatas in sas manos, in sos pes e in su costazu. Sa istimmatas sunt istadas occasiones de suffarentia po padre Pio e de cuntierras. S'est mustradu iscetticu subra sas istimmatas de padre Pio, Padre Agostino Gemelli, psicologu e fundadore de sa Universidade Cattolica de Milanu e custu ada influenzadu sas autoridades ecclesiasticas. Su 1922, su santu Uffitziu ada postu restritziones a sa vida de padre Pio: no deviada mustrare sas istimmatas, e deviada tzelebrare sa Missa in privadu. E custu po guasi 10 annos, provochende reatziones contrarias de tantos fideles e de parte de sa populatzione. Ma Padre Pio at dadu proa de obbedientzia. De Padre Pio si ammentat su donu de sa “bilocatzione”, e esistini testimonias, comente cussa de Don Luigi Orione, chi ada affirmadu de aere arrejonadu cun padre Pio a Roma in Santu Pedru, cando padre Pio no si fudi movidu dae San Giovanni Rotondo. Ispantosu su donu de s'introspetzione de Padre Pio, chi calchi olta faghiada riferimentu a fattos de sa vida de sas personas chi no aiada mai connoschidu prima. Padre Pio est istadu attentu a sa suffarentia de malaidos e poberos, e po cussu ada cherfidu, fidendesi de Deu e de sos benefatores, chi si fraigherat una istruttura ispidaliera de avanguardia, “Casa Sollievo della Sofferenza”, inaugurada su 1956 e ancora oe funtzionante e appretziada meda. Padre Pio est mortu su 23 de cabidanni 1968. Proclamadu santu dae su paba Giuanne Paulu II su 16 de lampadas 2002 a sa presentzia de unu numeru istraordinariu de fideles dae s'Italia e dae totu su mundu. Sa tumba de padre Pio in san Giovanni Rotondo est una meta de pellegrinagios de sas pius frequentadas dae su populu catolicu.