Paràbula de sos deghe talentos

Sa paràbula de sos talentos est una paràbula de Zesùs narrada in s’Evanzèliu de Mateu 25, 14-30; una paràbula assimizadora, chi si narat paràbula de sas minas, s’agatat in s’Evanzèliu de Lucas, 19, 12-27. Sas diferèntzias printzipales intre ambas paràbulas sunt chi su mere cunfiat a sos tzeracos suos importos aguales e chi sa mina teniat unu balore meda prus minore chi su talentu.

Sa paràbula faeddat de un’òmine chi moet a biazu e cunfiat sos benes suos a sos tzeracos. A su primu l’intregat chimbe talentos, a su de duos duos talentos e a su de tres unu talentu. Sos primos duos, tirende profetu dae sa summa retzida, resessint a nde duprigare s’importu; su de tres, intames, andat a cuare su talentu retzidu.

Cando su mere torrat, aprèssiat su cumportamentu de sos primos duos tzeracos, cando chi cundennat su de su de tres.