Parafrinas

Articulu in logudoresu

Su parafrinas de un’aparèchiu, un’automòbile, unu postale, una moto o unu trambiu est s’imbentanadura de antis de sa cabina de istare. Sos parafrinas modernos sunt realizados zenerarmente cun bidru laminadu, o siat formadu dae duas tellas de bidru e dae unu pizu de pràstiga intermèdiu, e sunt afirmados in manera perimetrale a sa carrosseria a mèdiu de impachetaduras e colladores.

Sos parafrinas de sas motos sunt custituìdos a s’avesu dae pràstiga acrìliga. Comente narat su nùmene, sa funtzione sua printzipale est a protegher su ghiadore dae su bentu, est a narrer dae s’impatu de s’àera cun su beìculu in moimentu.

Su parafrinas tenet sa funtzione de protegher mescamente sos ocupadores de su beìculu dae s’addobada de s’àera in tempus de sa martza, dae sas temperaduras isternas e dae partes boladoras che prùere, babautzos e crastos, in prus de esser unu cumponidore integradore de sa carrosseria e a dispensare un’istrutura abiodinàmiga. Addae de custu, podet esser aprigadu unu pizu UT pro apantallare sa lughe urtratanada dannarza.