Pilot (sistema operativu)

Custu artìculu est iscritu in sa grafia

campidanesa

. Abbàida sas àteras bariedades gràficas:

Pilot fiat unu sistema operativu mono-usuàriu, e multi-processu progetau de Xerox PARC in s'incomentzu de su 1977. Pilot est scritu in su linguàgiu de programatzioni Mesa, cun 24.000 lìnias de còdixi.^[1]

Pilot fiat progetau comenti sistema mono-usuàriu in un'arretza de àterus elaboradoris cun sistema Pilot, cun interfàtzias po sa comunicatzioni iter-processu (IPC) po mèdiu de s'arretza. Pilot poniat impari memòria virtuali e ammentu de is archìvius in unu suta-sistema e impreàt su nùcleu po manigiai su sistema e is risorsas suas. Is progetadoris ant pensau a unu mollu de multi-processu chena prelatzioni, ma a pustis ant sceberau su mollu cun prelatzioni basau apitzus de monitor^[1]. Pilot incluiat unu debugger, Co-Pilot, chi podiat circai faddinas in un'aciapa de su sistema sarvada in su discu.

Una statzioni de traballu Pilot tìpica fiat formada de 3 sistemas operativus impari in 3 volùminis de discus: Co-Co-Pilot (unu segundu debugger chi intràt candu su sistema operativu andàt in crash), Co-Pilot (su sistema primàriu esecutau asuta de Co-Co-Pilot e impreada po cumpliai e collegai is programas) e un'àtera còpia de Pilot esecutada in su de tres volùminis de discu, chi si podit aviai po esecutai programas de collàudu (chi iant a podi blocai s'ambienti de svilupu primàriu). Su debugger fiat scritu po ligi e scriri variàbilis po unu programa memorizau in unu volùmini de discu separau.

Custa architetura fiat ùnica, ca permitiat de esecutai passu-passu fintzas còdixi de su sistema operativu cun blocus a semàfuru, memorizau in unu volùmini de discu prus bàsciu. Comenti e chi siat, candu sa memòria e su còdixi de is processoris Xerox D-Series si funt amanniaus, su tempus po creai unu puntu de re-assètiu e torrai a portai su sistema a cussu puntu (operatzioni connota che "world swap") est bessiu longu. Podiat pigai 60-120 segundus po esecutai una lìnia de còdixi in s'ambienti de sistema operativu a bàsciu. Prus tradu, un'àteru debugger est stètiu svilupau po pigai su logu de Co-Pilot.^[2]

Pilot fiat impreau comenti sistema operativu po sa statzioni de traballu Xerox Star, su primu elaboradori cun interfàtzia gràfica chi impreàt sa metàfora de sa scrivania e is iconas^[3]^[4].

Riferimentus

↑ ^1.0 ^1.1 (EN) Butler W. Lampson e David D. Redell, Experience with Processes and Monitors in Mesa (PDF), Communications of the ACM, February 1980. URL consultadu su 22 làmpadas 2007.
↑ (EN) Donald W. Gillies, World-Stop Debuggers. URL consultadu su 17 santugaine 2013 (archiviadu dae s'url originale su 26 austu 2016).
↑ (ES) Historia de las GUI's, in bloghed.blogspot.com. URL consultadu su 6 santugaine 2020.
↑ (EN) The Xerox Star, in toastytech.com. URL consultadu su 6 santugaine 2020.

Bibliografia

Horsley, T.R., and Lynch, W.C. Pilot: A software engineering case history. In Proc. 4th Int. Conf. Software Engineering, Munich, Germany, Sept. 1979, pp. 94-99.

Ligòngius de foras

Pilot: An Operating System for a Personal Computer Archiviadu su 27 cabudanni 2007 in s'Internet Archive.

[lampson-1] 1.0 ^1.1 (EN) Butler W. Lampson e David D. Redell, Experience with Processes and Monitors in Mesa (PDF), Communications of the ACM, February 1980. URL consultadu su 22 làmpadas 2007.

[gillies-2] (EN) Donald W. Gillies, World-Stop Debuggers. URL consultadu su 17 santugaine 2013 (archiviadu dae s'url originale su 26 austu 2016).

[3] (ES) Historia de las GUI's, in bloghed.blogspot.com. URL consultadu su 6 santugaine 2020.

[4] (EN) The Xerox Star, in toastytech.com. URL consultadu su 6 santugaine 2020.

[1]

[2]

[3]

[4]