Polima de sos caminos

Sa Polima de sos caminos, narada finas “Policaminos”, est un’ispetzialidade de sa polima nassionale, ch’isvilupat mescamente sas atividades sighidoras:

1. prebenit e reprimet sas bioladuras de su còdighe de sos caminos; 2. constatat sos intzidentes de tràfigu; 3. predisponet sos servìtzios chi tenent sa finalidade de regulare e cuntrollare su tràfigu; 4. amàniat servìtzios de iscorta pro sa seguràntzia de sa tzirculadura caminale; 5. dispensat azutòriu a sos automobilistas in dificurtade.

Sos operadores de sa Polima de sos caminos sunt artamente califigados. Pro atzeder a s’ispetzialidade narada, si dimandant resurtados bonos in sas proas sigotènnigas chi totu sos operadores de sa polima nassionale devent realizare. Posteriormente, podent frechentare unu cursu de ispetzializadura de dura bariàvile intre su Tzentru de Insajadura de sa Polima Nassionale (Tz.I.P.N.), s’iscola cunsagrada a sas ispetzialidades de sa polima nassionale chi s’agatat in Tzesena.