Relozu faeddadore

Unu relozu faeddadore est unu servìtziu cumbidadu dae una boghe umana grabada o simulada, normarmente atzessìbile peri telèfonu, chi comùnicat s’ora pretzisa curridora. Su primu servìtziu telefònigu de relozu faeddadore fiat istadu introduìdu in Frantza, in assòtziu cu s’Osservadorzu de Parizi, su 14 de frearzu de 1.933.

In Itàlia e Sardinna, su relozu faeddadore fiat istadu introduìdu in sos annos chimbanta de su sègulu coladu. Su nùmeru a marcare fiat initziarmente su 16, modifigadu in 161 in tempus de sa segunda metade de sos annos setanta e in 42161 unos cantos annos a como. In s’atualidade, formende su 42161 s’intendet una boghe de fèmina repitende s’ora e sos minutos.