Renato Olivieri (Sanguinetto (Berona), 04/08/1.925 – Milanu, 08/03/2.013) est istadu un’iscritore italianu.

Biografia modìfica

Nàschidu in Sanguinetto, una bidda de su de Berona, bàrigat sa pitzinnia in Turinu e, a sos 14 annos, si tràmudat a Milanu, in ue at bìvidu finas a sa morte.

In su 1.978, pùbrigat su primu romanzu suo grogu, “Su casu Kodra”; in isse cumparet su pessonazu de Ambrosio su cummessàriu, unu de sos imbestigadores prus cunnotos de sa literatura polimenca italiana, interpretadu in su tzine dae Ugo Tognazzi in “Sas dies de su cummessàriu Ambrosio”, pellìcula aderetada dae Sergio Corbucci.

At pubrigadu in totale 15 romanzos, perunu de sos cales est istadu bortadu in sardu finas a como.

Sunt caraterìstigas de sos libros suos sas atmosferas milanesas melancòligas e sa figura de su pessonazu printzipale, unu polimesu introvertidu, isse puru melancòligu, istimadore de su bonu e cunnoschidore de arte, che s’autore suo a s’abarru.

Curiosidades modìfica

Renato Olivieri, chi non teniat perunu interessu pro su fùbalu, fiat istadu pro medas annos bighinu de domo de Enzo Bearzot su cummessàriu tènnigu de s'internassionale italiana de s'isportu re. In prus de custu, Renato Olivieri non ghiaiat e non teniat lissèntzia de tzaferru.