Articulu in logudoresu

Roberta Zedda (Seddori, 1971-Sabarussa, 3 de trìulas 2003) est istada una dutora sarda assassinada a istocadas dae Mauru Tzancudi su 24arzu in sa note dae su 2 a su 3 de triulas de 2003 inche su SPAL de Sabarussa, in ue traballaiat dae duos annos. Faghiant bator annos chi Roberta si fiat indutorada e, in s'ìnteri chi dispensaiat servìtziu in Sabarussa, s'amaniaiat pro s'ispetzializare in maladias infetivas e si nche zughiat in fatu sos libros de istùdiu finas a su zassu de traballu. Roberta istaiat tando in Casteddu e onzi die cursaiat dughentos chilòmetros in betura pro si zugher a su traballu e nde torrare. Mauru Tzancudi, chi si fiat indeosadu de issa, aiat cumìtidu su mortorzu in un'arrebatu de cullòbia in dae in antis de su refudu dae bandas de Roberta de s'abordu de isse. Zancudi fiat intradu a su SPAL boghende a còntiga su bisonzu de una retzeta.

Su protzessu at cundennadu a Zancudi a 30 annos de presonia, recunnoschende-li sas tzircustàntzias isfinigadoras zenerales.

Un'annu a pustis de su mortorzu, Carlo Azeglio Ciampi su Presidente de sa Repùbriga l'aiat assinnadu a Roberta sa medalla de oro pro balentia tzivile. Su 12 de santugaìne de 2013, l'est istadu intituladu su departamentu nou de emerzèntzia e acollozida de s'ispidale de Aristanis.