Open main menu

Su taxi est un'automòbile chi dispensat unu servìtziu pùbrigu de trasportu de passizeris contracostu, istassionende in arzolas pùbrigas probidas pro s'efetu, ispetzifigadamente in una tzitade o in una bidda cun unu tzaferru in palas de su bolante, naradu “taxista” (o, in manera cullochiale, “tassineri”).

A sa diferèntzia de su trasportu pùbrigu de lìnia, in ue su cursàriu e sas arressadas de artiada e falada sunt apostivigadas dae s'entidade logale cunfiadora de su servìtziu o dae su zestionadore de sa lìnia, su servìtziu cumbidadu dae su taxi si podet definire comente “zanna a zanna”. Su tassista istassionadu in s'aparcadorzu, o cuntatadu peri s'aparitzadura radiutaxi o peri telemòbile, retzit sa dimanda de s'usuàriu, lu buscat in s'aderetu cuncordadu chi devet esser in intro de sa comuna respetiva (o de su zirile) e finarmente lu trasportat a su destinu dimandadu. Su taxi podet esser arressadu “in s'iscuta” finas in sa carrera. Su servìtziu est normarmente obrigadòriu, francu unas cantas dèrogas, in totu s'arzola comunale, cando chi currespondet a su ghiadore atzetare o nono unu destinu foras de s'arzola narada.