Telemercadu

Si podet definire comente “telemercadu” su cunzuntu de sas atividades de mercadismu realizadas a mèdiu de su telèfonu: - su tzentru de mutida est su logu fìsigu, in intro de s'impresa o inche unu tertzista, in ue s'isvilupat s'atividade; - s'atividade de “mercadismu deretu”, isvilupada peri su tzentru de mutida, tenet finalidades bariadas, e de acordu cun custas ùrtimas est crassifigada cun numenaduras ispetzìfigas annanghedoras. S'atividade de telemercadu cunsistet in su cuntatu telefònigu deretu, isecutadu a mèdiu de operadores cumertziales, intre una o prus impresas assotziadas e sa crientela, atuale o potentziale, de sas impresas naradas. Sa finalidade de custu cuntatu est, in onzi casu, de tipu cumertziale, e cunsistet in sa bèndida telefòniga de benes o servìtzios (in custos casos si faeddat in manera prus apropiada de “telebèndida”), o puru prus fitianu in sa pubritzizadura cumertziale de sas atividades e de sos produtos de s'impresa. In medas casos, sa telefonada tèrminat, si su resurtadu est positivu, cun sa cuntzertadura de un'aboju de bèndida inche su bividorzu de su criente o inche sos ufìssios cumertziales de s'impresa.