Telepeazu

Su telepeazu est unu sistema de coberadura automàtiga de su peazu autocaminale, chi esistit in diferentes paìsos. In Sardinna non b’est, dadu chi non bi sunt autocaminos. In Itàlia continentale fiat istadu introduìdu in su 1.989. Installadu a sa prima in s’arrogu Pradu Calenzano-Frorèntzia Nordu in cuntzetu isperimentale, est intradu in funtzionamentu posteriormente in s’Autocaminu A1 inche sas istassiones de peazu de sas tzidades prus importantes (Milanu, Roma e Nàpule) in s’ocasione de su Mundiale de fùbalu de 1.990, e prus a tardu s’aprigadura s’est istèrrida a totu sos peazos de sa retza autocaminale terramannesa.

Binculadu orizinarmente a su beìculu individuale e destinadu a sos chi biazant pro traballu, dae su 1.998 est istadu istèrridu a sos crientes privados e, dae su 2.005, ant ammanitzadu su servìtziu finas pro sas mototzicretas.

Cunforme a sos datos atualizados a s’abrile de 2.008, in s’Itàlia continentale tzìrculant 6 milliones de aparitzos de telepeazu, cun unu totale de unos 2 milliones de trànsitos sa die.

Peri su telepeazu, est possìbile finas a pagare su peazu pro sa trapadura ordinària de su Zovo, sos aparcadorzos de sos abioportos de Malpensa e Linate, sa fèria de Bolonna e sa Zona cun Tràfigu Limitadu Area C de Milanu.