Trampa de Valentin

Sa trampa de Valentin est un'ingràngulu informàtigu pratigadu pro sa prima bia in su santandria de 1.999 dae un'ispameri russu aposentadu in Kaluga chi si presentaiat cun su nùmene Valentin Mikhaylin (mudadu a pustis in Valentin Mikhailyn, Walentin Mihailin e assimizadores). Custa trampa intrat a sa zenia de sas trampas a sa moda nizeriana.

A mèdiu de sa tènniga de s'ispamu, sunt imbiadas mizas de missadas eletrònigas chi presentant unu contu coritruncadore: Valentin atrogat chi est meda pòberu, chi tenet una mama (a nùmene Elena) malaida e chi non resessit a bajulare s'ierru russu terrìbile, duncas pedit dinare a imbiare a un'aderetu privadu, o s'imbiu de dechès musigales pro los poder tramunare cun dinare.

Cheret postu in craru in antis ch'in Rùssia non b'at peruna domo sena caentada, sende chi est ispainadu unu sistema de caentamentu tzentralizadu a livellu de bighinadu: custu mètodu, paris cun sa bundàntzia de gassu naturale e petrozu de su paìsu, permitit de aprovisionare sos bividorzos cun su caentamentu ierrale pro una summa chi fùrriat a inghìriu de 10-15 dòllaros pro istajone.

Zai addurende atentzionadamente in custu aspetu, si podiat notare s'istilu iperbòligu de s'ispameri, chi teniat s'intentu de apiedare su pùbrigu otzidentale cun sa finalidade de lograre dinare in manera illìtzita.

Unu traballu de incherta realizadu dae Paolo Attivissimo su cassadore de berveghes rujas nch'at zutu a una mezus cumprensura de sa trampa, zai cunnota e in protzessu dae annos, finas gràssias a unos cantos inditzos chi s'ispameri no est resèssidu a cuare. Difatis, sos puntos, prus o mancu evidentes, chi permitint una mezus cumprensura de s'imbusteria sunt tres:

Sas missadas de Valentin, si sunt analizadas in su barigare de s'evoluimentu issoro, fiant (e sunt) contrariadoras: a su cumintzu, si fiat presentadu de professore e in fatu comente istudante de matèrias biolòzigas. Cun evidèntzia, si fiat sàpidu chi sa figura de s'imparadore, chi a s'avesu bivit in manera deghile gràssias a su soddu suo, non cummoiat che sa de s'istudante, chi a su pùbrigu mannu li dat un'imprensu prus pòberu e patètigu. Obiamente, Valentin no at proadu mai sa beridosidade de sos atrogamentos suos e no at respostu mai a sa dimanda de imbiare fotos. In prus de custu, refudaiat cale si siat cosa addae de dinare e bestires, incrùdidos ozetos ùtiles potentziarmente pro mama sua malaida che fàrmacos poderosos.
Su tràmunu de discos musigales russos cun discos otzidentales zeneraiat bastantes suspetos, sende chi sa poberesa li diat aer dèvidu renner difìzile a agatare dechès logales.
In fatu de sos sinzolamentos de numerosos usuàrios, a Valentin l'aiant tancadu numerosos contos de diferentes servidores pro imbiu demasiadu massivu de curreu eletrònigu. Custu inditaiat chi, nostamis de sa poberesa ostentada in onzi gutureddu, Valentin non teniat probremas pro agatare mèdios informàtigos sofistigados e adeguados pro sa finalidade.

Paolo Attivissimo, peri un'imbestigadura profundizada e tende numerosos cuntatos cun su trampadore, nche fiant cròmpidu a cumprender mezus sos mecanismos de custa trampa e a iscoberrer peri unu zassu telemàtigu russu chi Valentin est istadu in presone in fatu de una cundenna pro calunna. Valentin etotu, a pustis de sa pubrigadura de sa prima incherta, s'est fatu agressivu minetzende de presentare denùntzias, realizende atacos informàtigos e isfamighende su cassadore de berveghe rujas. In su 2.006, Valentin est torradu in assione, custa bia suta de su nùmene de “Walentin”, cun trampas de sa matessi creze: sa resone de su mudamentu de nùmene tenet acapiadura probàbile cun s'intentu suo de no esser agatadu in sas buscas realizadas in Google dae sos usuàrios postos in suspetu dae sas missadas suas. In su 2.007, b'aiat àpidu unu mudamentu annanghedore de identidade: s'apellu abarrat su matessi in s'essèntzia, peroe mudat sa sinzadura, chi devenet Ms. Elena (zustu comente sa mama de Valentin) Galitsinu, e in s'aderetu est modifigada sa carrera, peroe no sa bidda. In su 2.009, sa sinzadura de s'apellu devenet “Elena with my family” e sa dimanda (in su primu abordu) non pertocat prus sa tràmuda de dinare, si nono s'imbiu de unu caentadore. Cun probabiidade, est chistione de unu sistema pro garantire unu nùmeru prus mannu de cuntatos peri missadas eletrònigas e chi posteriormente si mudat in dimandas de dinare.