Umberto Tozzi

Umberto Antonio Tozzi, cunnotu comente Umberto Tozzi (Torinu, 4 martzu 1952), est unu cantautore e ghitarrista italianu.

Umberto Tozzi in su 2014

Cun 70 milliones de isemprales bèndidos, Tozzi est intre sos artistas italianos chi ant bèndidu su nùmeru prus mannu de discos.

Biografia

Naschet dae una famìlia de emigradores apuliesos naturales de Rodi Garganico. Frade prus minore de Franco Tozzi, cantautore bastante pobulare in sos annos sessanta, faghet sos primos passos a su livellu musigale devenende su ghitarrista de su grupu chi l’acumpanzaiat in sas turneras.

In su 1968, a sos 16 annos, intrat a sos “Off Sound”, unu grupu rock torinesu de zòvanos zòvanos, cun sos cales acumpanzat finas frade suo e s’istrenat discografigamente in su 1970, cantende sa prima camba de sa cantone “Qui”. In Milanu, cunnoschet a Adriano Pappalardo e cun isse format unu grupu de 13 elementos cun sos cales andat in tur.

Format parte finas de su grupu “La Strana Società”, abarrende in intro suo finas a su 1976, cun su cale at partezipadu a “Unu discu pro s’istiu”, a unu Festivalbar e a un’edissione de su Festivale de Santu Remu; de su grupu naradu, est famada sa fasca “Popcorn”.