Una fèmina a ismentigare

Una fèmina a ismentigare ("Dimenticare Lisa") est una telepellìcula italiana groga a intregas de su 1976, bogada dae unu romanzu de Francis Durbridge s'iscritore ingresu, cun Ugo Pagliai e Marilù Tolo in sos rolos de sos protagonistas.

Inredu

Peter, un'antigàriu ingresu, cròmpidu a Nàpule pro bisitare frade suo mùsigu Claude, cunfiat a custu ùrtimu chi at cunnotu de reghente a Lisa Carter sa bella a beru, un'amerigana, e de esser abarradu incantadu dae sa bellesa e dae sos modales de custa fèmina; s'atopu est istadu assolutamente intzidentale, in tempus de unu biazu in aparèchiu. Posteriormente, Peter imparat dae un'amigu ziornalista chi s'agatat mamentanamente in Nàpule chi Lisa Carter est una biuda zòvana a beru de unu ziornalista ameriganu fontomadu, afogadu a pustis de si fulliare a mare dae su jatu suo, pretzisamente a probe de Nàpule.

Carchi die a pustis, Peter addòviat in Nàpule a Lisa Carter, chi li revelat unos cantos fatos importantes de sa bida sua: sa note de sa morte de maridu suo, Lisa s'agataiat in su jatu paris cun isse e, petzi pagas oras in antis, ambos aiant tentu una discussura animada pro neghe de s'istramanchiamentu de una pupa rara a beru, chi perteniat a una cullessione de su pobiddu, apentadu dae semper pro custa casta de zoghete.

A pustis de una filera de seranos colados paris, Lisa pedit imprestada s'automòbile a Peter: devet andare a bider a sir Arnold Wyatt, un'abogadu ingresu amigu de maridu suo, cun s'intentu de achipire unos cantos tràmites. Belle gasi, dae cussu mamentu Lisa iscumparet. Sa betura l'agatant in s'oru de sa bidda, cun una missada minora in ue b'est iscritu s'aderetu de Peter e, dae bandas suas, sir Arnold atrogat chi non cunnoschet a Lisa Carter nen fiat abojadu cun issa. Argunas dies prus a tardu, Nancy, un'amiga istimada de Lisa, cumparet afogada in unu riu. In una butzaca de su bestidu suo, bi sunt sas craes de s'automòbile de Peter e, in su banzu de domo sua, est imbènnida una pupa chi apizat in sa banzera acucurada de aba. Claude, ch'intre tantu at terminadu su traballu suo in Nàpule, invitat a Peter a dassare sa bidda cun isse, peroe Peter tenet s'intentu de ghetare lughe a subra de sa berza e, prus chi totu, cheret agatare torra a Lisa.