Wikipedia:Comente iscrier unu artìculu

Pro iscrier o modificare un'artìculu de Wikipedia, totu nois pensamus de deper sighire unas cantas règulas zenerales, de manera chi su traballu nostru non bessat unu amesturu disordinadu de paràulas, ma una regorta ordinada de ideas. Pro custu est nàschida sa Wikipedia:Cumponidura de Bichipedia, e pro custu sunt istadas creadas unas pàzinas de serbìtziu e de azudu (bie Azudu:Azudu) chi cherent azudare a fagher crescher sos cuntènnidos nostros de manera orgànica, coerente, leghìbile.

Duncas s'osservàntzia de sas règulas chi nois damus est unu de sos doveres primàrios de su Bichipedianu. In prus non diat fagher a pretender chi su letore podat re-analizare a onzi artìculu s'istile e s'organizatzione de sos cuntènnidos, ma amus a arribare a sa tarea nostra si s'enciclopedia nostra at a aer una leghibilidade sua, una omozeneidade sua e duncas una personalidade autònoma sua (fache a àteros manizos, finas pabiriles) chi nde cunsentat sa reconnoschibilidade imediada.

Sunt paràulas mannas, custas, chi si resument a fàghile meda in pagos passos. Duncas, mezus a connoscher·las e manizare·las.

Cantu a s'istile chi un'artìculu depat sighire, b'est unu manuale de istile chi bois imbidamus a connoscher (e a fagher connoscher a sos Bichipedianos noos).

Impreu de sos Modellos de boghe modìfica

Unu de sos cànones printzipales de Wikipedia est s'organizatzione de sos cuntènnidos cunforma a modellos, chi si podent apricare cando bi siant boghes cun caraterìsticas comunas (e duncas dinnas de esser manizadas in manera analòzica). Gosi càpitat pro sos annos, sas dècadas, pro sas dies de s'annu, pro sas biografias, pro sas listas, pro sos elementos chìmicos e pro àteras categorias de cuntzetos. Editende un'argumentu chi podat intrare in una categoria in ue sas àteras boghes sunt belle anàlogas, sigamus sos modellos, a manera de tenner totu sos artìculos de cussa matèria iscritos in manera anàloga e, duncas, prus discansosos a legher.

Sos modellos de boghe sunt petzi cunventziones, duncas no eternos e imutàbiles, ma modificàbiles a pustis de unu cunfrontu de pàrreres. Tando, finas a cando in Bichipedia non b'apat unu cunsensu pro comente depent cambiare, cumbenit a respetare·los, pròpiu comente cunventzione.

B'at zai modellos a disponimentu in sa pàzina Wikipedia:Ischedas.

Àteros sunt a puntu de esser propostos. Est craru chi, in su primu manizu de custos modellos amus tentu in contu su chi ant pessadu in sa Wiki inglesa e italiana, finas pro una chistione de analozia: su prozetu, mancari siat multilìngue, est ùnicu.