Open main menu


Introduida

Mudàntzias

Furmatatzione

Ligàmenes

Fontes

Cuntierras

Ammenta·ti

Registratzione

Resumu

Paris m 1 jms.svg IntroduidaModìfica

Tastos presentes in artu.


Sas pàginas sighentes oferint una ghia in s'istile e su càbidu de sos artìculos de Wikipedia e ispiegant sa comunidade de Wikipedia e importantes polìticas e cunventziones. Custu est unu tutorial de base, no unu manuale ampru e cumpletu o un'ambiente interativu. Pro ulterioras minudas subra calesi siat informatzione in su tutorial, podes fàghere click in sos link a unas àteras pàginas de risursas mentras leges, aberende·los in una bentana o ischeda separada de su browser.

Unu video breve subra de su tastu "Modìfica" e ite si podet fàghere cando ses corazosu! (in inglesu)

Comente a contributore nou, ti dias pòdere sentire azigu subrafatu de sas dimensiones e de sa portada de custu situ. Niunu de sos noos impitadore podet cumprèndere totu in unu primu momentu e est atzetàbile impreare su bonu sensu mentras si protzedit a sos càmbios. Wikipedia non ti permitet de creare, revisionare e modificare articulos ebbia, ma bole chi tue fatzat gai (bide èssere aconcaditu)! Tenes solu bisòngiu de ammentare chi mentras b'ant medas protocollos, su primore no est pedidu, dae chi Wikipedia est unu work in progress. Sa modìfica collaborativa signìficat chi sos primos abbotzos incompletos o iscritos male si podent isvilupare in su tempus in artìculos primorosos.

S'obietivu de un'artìculu de Wikipedia est cuddu de creare unu summàriu cumpletu e iscritu in modu neutrale de sos connoschimentos atuales generales in un'argumentu: Wikipedia non pùblicat chircas originales. Un' entziclopedia est, pro natura sua, una fonte tertziària chi frunit una rassegna de informatziones giai publicadas in su restu de su mundu. Tando rechergiamus chi sas informatziones siant verificàbiles in fontes esternas e fidadas. In manera ideale, totus sas informatziones si depent referire a fontes esternas fidadas, impreende tzitas. Cando s'agiunghent cuntènnidos e si creant artìculos noos, est importante un'istile entziclopèdicu cun unu tonu formale. Imbetzes de iscrìere in manera de sazu, proende a argomentare o supònnere, sos artìculos de Wikipedia diant dèpere tènnere un'istile simpre e cun sa mera espositzione de sos fatos.

Wikipedia non tenet medas règulas istrintas; ma sas polìticas, sas lìnias ghia e sas normas pro su format sunt isvilupadas dae sa comunidade pro descrìere sas mègius pràticas, crarire sos prìntzipios, risòlvere sas cuntierras e, in casu contràriu, persighire sos obietivos nostros. Totus sos editores diant sighire sas normas sotziales generales. Sa comunidade de Wikipedia cumprendet persones de medas paisos e culturas, cun puntos de bista, mustradas, opiniones e background diferentes; in carchi casu custos vàriant in manera ampra. Sos editores si depent tratare cun respetu su unu cun s'àteru, traballare paris in manera collegiale e evitare cumportamentos chi non si podent atzetare, truncadores, chene gana unilaterales o imbrogliadas de su sistema.


Impara comente fagher Mudàntzias