Action RPG

Articulu in nugoresu

Unu action RPG est unu videojòcu de ròlu pro computer o console chi si bàsat in supra de sa lestrèsa de assiòne dae parte de su jocadòre.

Su favèddu in chistiòne si imprèat pro distìngher e ischirriàre custos jocos dae su jocu de rolu a mòtas tradissionale, chi si assimìzat meda a cussu fattu a papèri e làpis. Ind unu jocu de rolu a motas, cando su jocadore si est imbènniu chind unu inìmicu, podet isseperàre itte fàcher dae unu menu de optziones: a pùstis de lu àer fattu, su pessonàzu fachet s'assiòne picàda e nde podet isseperàre un'attera. Ind unu Action RPG, s'inìmicu attaccat in tempus reale e su jocadore li dèpet torràre impòsta chind una sèria de assiònes chene si picàre troppu tempus.

Esempios de Action RPG sun Dark Cloud, Diablo e sichidòres, Kingdom Hearts, Rogue Galaxy, The Legend of Zelda, Fable, Alundra, Drakengard, Crisis Core: Final Fantasy VII, Spectrobes o su pluripremiàu Fallout 3 e su sichidòre suo Fallout: New Vegas, The Elder Scrolls, Mass Effect, Dark Souls, Titan Quest, Path of Exile, etz.