Articulu in logudoresu

Ampsicora, balente sardu connotu pro si aere bortadu contra a sos romanos e pro cherrere pro tempus meda sa libertade de sa terra sua. In s'annu 237, sos sardos fuint istraccos meda de sa dominatzione romana e de su dinari pedidu dae sos legionarios. Pro l'acabbare cun custa sufferentzia, Ampsicora decidit de si ponner a cabu de una ribelliòne. A sos primos corpos de sa ribelliòne, Asdrubale mandat una armada navale in agiudu a sos sardos. Custa armada non at arribare mai in Sardigna ca una temporada la at a iscudere contra sas isolas Baleares. In su matessi tempus, Q. Manlius Torquatus arribat in Casteddu cun una armada de binti-duos mila fantes e milli-duchentos caddos. S'armada sarda fit giùtta dae Ampsicora e Josto, fizu sou. Pustis chi Ampsicora fit partidu pro sa Barbagia pro arruolare una armada prus manna, Josto faghinde de conca sua decidit de attacare sos inimigos. Josto at a benner isconfittu e s'at a cuare in Cornus pro isetare a Ampsicora. Pustis carchi die sas armadas s'ant a gherrare galu una borta pro battor oras de gherra, ma sos sardos ant a benner isconfittos. Medas gherradores sardos ant a benner bochidos, Josto est unu de custos. Ampsicora fuit cun su caddu sou pro preparare un'attera gherra, ma cando at a ischire chi Josto si che est mortu at a isetare su notte pro si bochire issu puru.

Bibliografia modìfica

Ligàmenes esternos modìfica