Andria Degortes (Aghedu)
Andria Degortes (Terranoa, 1 maju 1943), naradu Aghedu, est unu zinete antigu sardu.
Pannu de Siena
modìficaSu chi l’at rènnidu de numenada manna a Aghedu est istadu su Pannu de Sena, currera in ue su zinete terranoesu at logradu finas a 14 bintòrias (petzu una prus pagu a petus de su primadu bardadu in agualidade dae Bastiancino e dae su Gobbo Saragiolo) subra de 58 partetzipaduras.
A pustis de si tramudare a zòvanu zòvanu a Tuscana, Andria Degortes si fiat fatu evidente in sas carreras de caddos disputadas in sas leadas de su de Sena, “trampolinos de fulliada” naturales chirru a sa grandu porfia senesa. In ie s’istrena fiat acontèssida luego meda, addaghi Degortes teniat petzi 21 annos: pro su Pannu de su 2 de triulas de 1964, mutidu dae s’Oruga, arrodu chi teniat bastante cantu pagas opsiones pro cussa carrera, aende retzidu s’assinnadura de Olimpico su caddu istrenadore, a Andria Degortes l’aiant dadu su paranùmene de Pinna Negra: no aiat bintu, peroe s’Oruga l’aiant recunduìdu pro su Pannu de s’Assunta de su matessi annu pro montare a Topolone, unu de sos caddos prus fortes de totu sos tempos.
Un’annu pretzisu a pustis de s’istrena, su 2 de triulas de 1965, Degortes, chi fiat istadu paranumenadu definitivamente Aghedu, aiat otentu sa prima bintòria: difatis, mutidu dae s’Àbila pro montare pretzisamente a Topolone, Aghetu aiat bìnchidu, nostamis de sa presèntzia de Pantera sa rivale, determinada a imbarare sa prendidura abilesa.